Марказий Осиё давлатлари ТИВ раҳбарлари ва АҚШ ёзда С5+1 форматидаги музокаралар ўтказади

Ўзбекистон 02 Апрель 2016 614

2016 йилнинг ёзида АҚШда С5+1 форматида ташқи ишлар вазирларининг учрашувлари ўтказилади. Бу ҳақда АҚШнинг Қирғизистондаги элчихонаси маълумот берган.

2015 йилнинг ноябрида Қозоғистон, Қирғизистон, Тожикистон, Туркманистон ва Ўзбекистон республикалари ташқи ишлар вазирлари ҳамда АҚШ Давлат департаменти бошлиғи Жон Керри ўртасида халқаро ҳамкорликнинг истиқболлари ва сиёсий, савдо-иқтисодий, маданий – гуманитар соҳаларда алоқалар бўйича Марказий Осиё+АҚШ кўринишидаги "Самарқанд декларацияси" келишуви имзоланганди.

4-6 апрель кунлари Марказий Осиё давлатлари ва АҚШ вакиллари Савдо ва инвестиция бўйича доиравий кенгаш келишуви (ТИФА) йиғилишида учрашишади. Шунингдек, бу давлатларнинг иқтисодий ва ҳудудий алоқалар бўйича ишчи гуруҳлари учрашуви ўтказилади.

С5+1 формати минтақадаги иқтисодий, савдо, атроф-муҳит муҳофазаси ҳамда минтақавий хавфсизлик масалалари бўйича ишчи гуруҳлар фаолиятини ўз ичига олади.

Кўпроқ янгиликлар