Париждаги қўпорувчиликларни уюштирганликда гумон қилинаётган Салоҳ Абдислом, ўтган йилниг ноябр ойида Франция пойтахтида содир этилган хунрезликлар давомида ўзига берилган топшириқни бажармаган, яъни у ўзини портлатмаган. Бу ҳақда BFMTV телеканалига берган интервьюсида гумондорнинг акаси Муҳаммад Абдислом шундай гувоҳлик берган

Акасининг сўзларига кўра, у укасини кўриш учун қамоқхонага борганида, Салоҳ унга, агар портловчи белбоғни портлатганида қурбонлар сони янада кўп бўлиши мумкинлигини айтган.

Муҳаммаднинг қўшимча қилишича, Бельгияда ҳибсга олинган укаси тергов жараёни билан ҳамкорлик қилиш истагини ва Францияга экстрадиция қилинишини кутаётганини билдирган.

Муҳаммад Абдисломнинг айтишича, Салоҳ терактларни уюштирмаганини таъкидлаган. У фақатгина Париж воқеалари кунида, унда ҳақиқатдан ҳам худкушлик белбоғи бўлганини тан олган.

Бундан аввал, 2015 йил 13 ноябр куни Парижда содир этилган хунрезликларнинг бош ташкилотчиси сифатида гумон қилинаётган Салоҳ Абдислом 10 кун ичида Бельгиядан Францияга экстрадиция қилиниши ҳақида хабар қилинган эди.