Порошенко: Украинадаги сиёсий инқироз тез орада барҳам топади

Жаҳон 02 Апрель 2016 674

Украина ҳукуматини шакллантириш бўйича сиёсий инқироз, яқин кунларда поёнига етади, деб баёнот берган мамлакат президенти Петро Порошенко АҚШ пойтахтида қилган чиқишида. Бу ҳақда УНИАН ахборот агентлиги хабар қилган.

Порошенконинг қайд этишича, у давлат раҳбари сифатида "украин депутатлари ўз мажбуриятларини тўла намоён этишларига" қаттиқ ишонади. Президент шунингдек, коалиция албатта тузилиши ва унга янги бош вазир номзодини тасдиқлаш борасида таклиф келишига ишончи комиллигини таъкидлаган.

"Биз бу масалани чўзиб ўтирмаймиз, гап ҳафта эмас, балки бир неча кун ёки соатлар ҳақида бормоқда", - деган Украина давлат раҳбари.

Украинадаги сиёсий инқирозга, Олий Рада депутатларининг ҳукумат ишидан қониқмаганлари, аммо бош вазир Яценюк истеъфоси учун овоз беришга имкон топа олмаганлари сабаб бўлди.

Бу ҳолат ўз навбатида, ҳукмрон коалициянинг барбод бўлишига олиб келди, мамлакат янги парламент сайловлари остонасида туриб қолди. Бир қатор депутатлар эса, янги коалиция тузилиши ҳукумат таркибининг ўзгартирилиши ва янги бош вазир сайланиши билан воқеалар ривожини сайловга етказмаслик мумкинлигини айтишган эди. Бироқ, Яценюк ўз ихтиёри билан истеъфога чиқиш ниятида эмас.

Киев экспертлари ушбу масала 29 мартдан 1 апрелгача бўлган мажлисда ҳал этилади, деган фикрни илгари сурган бўлсаларда, депутатлар бирон ижобий натижага эриша олмади. Олий Раданинг келгуси мажлиси эса, апрель ойи ўрталарида бўлиб ўтади.

Кун янгиликлари
“Tashkent study”да имтиҳондан муваффақиятли ўтиш сирларини ўрганинг
10:36 7057 Жамият
Оққон билан оғриган 5 ёшли бола тезкор ёрдамга муҳтож
17:52 / 24.07.2017 21980 Жамият
Жаҳонгир тўшакка михланиб қолмасин: 22 яшар йигит ана шундай бахтсизлик ёқасида
12:52 / 22.07.2017 96363 Жамият
Қашқадарёда ўз қўшнисини уриб ўлдирган 17 ёшли йигит 6 йилга қамалди
Ўзбекистонда кейинги йилларда илк марта ажрашишлар сони камайиши кузатилди
Бухоро ва Навоий вилоятларига «Саломатлик» поездлари жўнаб кетди
Жеймс Бонд ролини ижро этувчи актёр номи маълум бўлди
Toyota бир неча дақиқа ичида қувватланувчи электромобиль ишлаб чиқаради
Тошкентда карате бўйича Осиё чемпионати бўлиб ўтади
21:00 356 Спорт
ЎзМУда ижодий имтиҳонлар адолатли ўтказилиши учун кузатув камералари ўрнатилди
20:50 727 Жамият
Кўпроқ янгиликлар