Тоғли Қорабоғда озарбайжонлик 50 нафарга яқин ҳарбий ҳалок бўлгани айтилди

Жаҳон 02 Апрель 2016 404

2 апрель кунига ўтар кечаси тан олинмаган Тоғли Қорабоғ республикаси ҳудудида бошланган низолар пайтида Озарбайжон томони йўқотишлари 50 нафар ҳарбий бўлган. Бу ҳақда тан олинмаган Тоғли Қорабоғ республикаси Мудофаа вазирлигига асосланиб, "Интерфакс" хабар тарқатган.

Дастлабки маълумотларга кўра, ҳалок бўлган озарбайжонлик ҳарбийлар сони 40 нафардан 50 нафаргача.

"Ҳозирча бу маълумот тасдиқланмаган, текшириш ишлари олиб борилмоқда", дейилган хабарда.

Озарбайжон томони ҳам бундай маълум тарқатмаган.

Арманистон Мудофаа вазирлиги вакили Арцрун Ованнисян Озарбайжон қуролли кучлари 2 апрель, шанбага ўтар кечаси Тоғли Қорабоғ можароси ҳудудидаги жанубий, жануби-шарқий ва шимоли-шарқий йўналишларда артиллерия, зирҳли техника ва авиациядан фойдаланиб, ҳужумкор ҳаракатларга қўл ургани ҳақида маълум қилди.

Тоғли Қорабоғ Мудофаа вазирлигида таъкидланишича, туташув чизиғидаги жанглардан ташқари, қўшни томон ҳарбий қисмлар жойлашган манзиллар ва аҳоли пунктларига артиллерия зарбалари берган.

Россия президенти Владимир Путин томонларни ўт очишни тўхтатишга чақирган.

Тоғли Қорабоғ асосан этник арманлар истиқомат қиладиган, 1991 йили Озарбайжондан мустақиллигини эълон қилган, тан олинмаган республикадир. Расмий Бокунинг минтақа назоратини ҳарбий йўл билан қўлга киритишга муваффақиятсиз уринишидан сўнг, 1994 йили, Озарбайжон, Арманистон ва Тоғли-Қорабоғ республикаси Россия воситачилигида Бишкек сулҳини имзолашган эди.

Кун янгиликлари
Тадбиркорларни муваффақиятга элтувчи ноёб бизнес-форум ўтказилади
09:45 6301 Жамият
Study Tokyo – Японияда ўқиш ва ишлашни истаганлар учун ишончли ҳамкор
10:55 / 19.07.2017 16171 Lifestyle
Фермер ва тадбиркорлар диққатига! Travel Today билан АҚШнинг энг йирик агро кўргазмасида иштирок этинг
09:52 / 19.07.2017 13019 Жамият
Google Халқаро космик станция бўйлаб виртуал саёҳат ташкил этди
Россияда 3-қаватдан тушиб кетган 2 яшар ўзбекистонлик комада
23:07 408 Жамият
Президентнинг Давлат маслаҳатчиси қашқадарёлик уюшмаган ёшлар муаммоси билан қизиқди
Жиззахда Сайёра Рашидова отасининг бюстини очиб берди
22:58 901 Жамият
Россияда яшовчи ўзбекистонлик хотинини уриб ўлдирди
22:54 1349 Жамият
Путин: РФ миграция кодексини тузиш масаласини кўриб чиқиш мумкин
22:50 431 Жаҳон
Amazon ўз ижтимоий тармоғини ишга туширди
Кўпроқ янгиликлар