Украина энергетика ва кўмир саноати вазири Владимир Демчишин РИА Новости нашрига берган интервьюсида Украина энергетика соҳасида ИШИД террорчи гуруҳидан нефть сотиб олишда айбланаётган Туркия билан ҳамкорлик қилишдан чўчимаслигини билдирди.

"Биз улардан нефть сотиб олмаймиз. Уларга ўзимизнинг турбиналаримиз, трансформаторларимиз, юқори вольтли ускуналаримизни таклиф этиш биз учун қизиқ", -дейди у.

Вазирнинг сўзларига кўра, "Агар уларда бизнинг бозорларимизда ишлашни истовчи трейдерлар бўлса, биз Украина ҳудудида уларга газ-транспорт тизимида ўз хизматларимизни кўрсатишга тайёрмиз".

Демчишин буни "оддий бозор шарт-шароити" деб изоҳлади.

"Бизда уран шахталари бор, агар улар тайёр бўлсалар - шу ишнинг ривожланишида иштирок этишлари мумкин", деб қўшиб қўйди у.