Вьетнам социалистик республикаси президенти лавозимини, Миллий мажлис депутатлари овози саналгандан сўнг, собиқ жамоат хавфсизлиги вазири генерал Чан Дай Куанг эгаллаган. Бу ҳақда Associated Press хабар берди.

60 ёшли генерал номзодини мамлакат парламентининг 91 фоиз депутати қўллаб қувватлаган.

Овоз бериш натижалари эълон қилингач, президент ўз вазифасига киришишдан аввал, Коммунистик партия ва Вьетнам халқига содиқ қолишига тантанали равишда ваъда берган.