Италия футбол оламидаги машҳур кишилардан бири, собиқ футболчи ва мураббий Чезаре Мальдини 84 ёшида оламдан ўтди, деб хабар бермоқда Lastampa.

Мальдини “Милан” таркибида 1954—1966 йиллар оралиғида 412 та ўйин ўтказган. Футболчи сифатида тўрт карра Италия чемпиони ва 1962/63 йиллар мавсумида Европа кубоги соҳиби ҳисобланади. 1967 йилдан бошлаб эса мураббийлик фаолиятини бошлади. У шу йиллар давомида “Милан”, “Парма”, Италия терма жамоаси ва Парагвай терма жамоаларида бош мураббийлик қилди.

“Милан” жамоаси унинг қўл остида 1972/73 йиллардаги мавсумда Италия Кубогини, 1972/73 йиллар мавсумида эса Кубок эгалари кубогида зафар қучди.

Маълумот учун: Чезаре Мальдини Италиянинг яна бир афсонавий футбочиси Паоло Мальдинининг отаси ҳисобланади.