Эрондан нефтни экспорт қилиш суткасига икки миллион баррел даражасида ошди. Бу ҳақида Эрон нефть вазири Бижон Номдор Зангоний маълум қилди

«Эрондаги нефть ва газ конденсатлари экспорти бир суткада 2 миллион баррелга кўтарилди», - дея ЭРМА агентлиги Эрон вазирининг сўзларини келтириб ўтди.

Ҳозирги кунда углеводородни қазиб олиш 3.2 миллион баррелга етди, дея қайд этади агентлик. Санкциялар даврида, 2012 йилдан то январь ўрталаригача Эрон бир кунда 1 миллион баррелга яқин нефтни экспорт қила олмаган эди. Унинг кундалик қазиб олиш даражаси бу даврга келиб 2.8 миллион баррелдан ошмади.

Ўзининг нефть вазирлигидаги чиқиши доирасида Зангонийнинг қайд қилишича, бу соҳадаги асосий устувор ривожланишга нефть конларининг унумдорлиги ва самарадорлигини оширишда янги технологияларнинг жорий қилингани сабаб бўлди.

Шунингдек, Форс кўрфазининг марказий қисмида сув ҳудудлари чегараси бўйлаб Эрон Қатар билан бўлишадиган Жанубий Парс дунёнинг энг йирик газ конидаги 17дан 21гача блокларнинг ишга туширилиши ва янада такомиллаштирилиши ҳам муҳим ўрин тутди.

ШАНА агентлигининг хабар қилишича, 2015 йилнинг 21 мартидан 2016 йилнинг (эронча 1394 йил) 20 мартига қадар Эрон конларда 130 миллиард куб метргача газ (яъни суткасига 356 миллион куб) қазиб олган. Бу кўрсаткич ўтган йилга нисбатан 15 фоизга кўтарилган.