Саёҳатчилар ташриф буюрадиган Қоҳирадаги машҳур копт (насроний) туманидан ташқари, Миср пойтахтида насронийлар яшайдиган яна бир жой мавжуд.

Бу ерда қадимий бўлмаган катта ғорда жойлашган черков мавжуд бўлиб, унинг ибодатхонаси Муқаддас Марям ва Муқаддас Симеона номини олган. Черков Яқин ва Ўрта Шарқдаги энг катта насроний иншооти бўлиб, йигирма минг кишини ўз ичига сиғдира олади! Унинг номи Муқаддас Симеон Этикдўз бўлиб, ўнинчи асрда яшаб ўтган ва минглаб диндошларини қутқарган Симеон Тери ошловчига бағишланган.

Бироқ бу ерда ҳеч ким экскурсия ташкил этмайди. Мукаттам тоғлари бағрида жойлашган бу ҳудуд, Чиқиндичилар шаҳри ёки маҳаллий аҳоли тили билан айтганда, Маншият-Носир деб аталади.

Бу ерда фақатгина “заббалинлар” деб номланувчи ижтимоий гуруҳни, яъни суб-этносни ташкил этган христиан-коптлар меҳнат қилишади. Улар бепулга (шаҳар маъмуриятидан хизматлари учун маблағ олмишмайди) чиқиндиларни ўн беш миллионли Қоҳира шаҳридан олиб чиқиб кетишади, ажратишади ва қайта ишлашади ҳамда фақатгина қайта ишлаганлари учун пул олишади. Шунингдек, бундан яхшигина фойда ҳам олишади.

Чиқиндиларни ажратиш жараёни барча оилаларда бир қанча фарқ қилади. Аммо шаҳар бўйлаб эшаклар уланган араваларда катта қопларга чиқиндилар йиғилиб, “ҳосил”ларни маълум бир шаҳардаги нуқталарга олиб борилади ва у ердаги юк ташувчи машиналарга жойлаштирилади.

Чиқиндилар, ўз навбатида, “Чиқиндичилар шаҳри”га олиб борилади ва биринчи қаватга ташланади. Бу ерда чиқинди бирламчи ажратиш жараёнидан ўтказилади, мисол учун, барча металл буюмлар, иккинчи қаватда эса барча қоғоз ва пластик буюмлар ажратиб олинади. Барча кераксиз чиқинди пастга жўнатилади ва ёқиб юборилади. Тепа қаватлардан эса яшаш учун фойдаланилади.

Чиқиндилар ажратилиб бўлинганидан сўнг, Қоҳирадаги маҳаллий қайта ишлаб чиқариш фабрикаларига жўнатилади. У ерда тайёр маҳсулотлар ишлаб чиқарилади. 

Шуниси қизиқки, бу туман нафақат чиқиндиларни қайта ишлайдиган маскан, балки яшаш жойи ҳисобланади. Бу ерда дўкончалар, дорихоналар, кафелар, сартарошхоналар мавжуд бўлиб, ҳаттоки кўчаларда болалар ўйнашади. Аммо туманда ҳеч қандай мактаб ёки болалар боғчаси мавжуд эмас,  афтидан болалар бошқа туманларга бориб ўқиб келишади.   

 
 
 
 
 
 
 
 
 
 
 
 
 
 
 
 
 
Манба: xabardor.uz