Ўзбекистонлик фигурачи Миша Ге 28 мартдан 3 апрелгача Бостонда бўлиб ўтган муз устида фигурали учиш бўйича жаҳон чемпионатида эркаклар орасидаги якка баҳсларда 15-ўринни эгаллади.

Жаҳон чемпионати ғолиби иккинчи марта испаниялик Хавьер Фернандес бўлди. Кумуш медални япониялик фигурачи Юдзуру Ханю, бронзани эса хитойлик Цзинь Боян қўлга киритди.

Эслатиб ўтамиз, Миша Ге ўтган йили Шанхайда бўлиб ўтган жаҳон чемпионатида 6-ўринни эгаллаганди. Бу натижа спортчи ўз фаолиятида жаҳон чемпионатларида эришган энг яхши кўрсаткич бўлганди.

Миша Ге мухлислар овоз бериши натижаларига кўра АҚШнинг Спокане шаҳрида (Вашингтон штати) 22-24 апрель кунлари бўлиб ўтадиган Team Challenge Cup мусобақасида Осиё жамоасига киритилиши мумкин. Янги турнирнинг мукофотлар жамғармаси 617 минг долларни ташкил қилади.