Аввалроқ Apple компанияси индукцион ғалтак ёрдамида қурилмаларни қувватлаш тизимига патент олгани ҳақида хабарлар берилганди. Хабарларда шунингдек, индукцион ғалтаклар томонидан узатилувчи ва қабул қилинувчи электр алоқада ишга тушувчи қувватлаш қурилмаси ҳақида гап кетган. Яна бир патентда iOS-қурилмалари ва MacBook компьютерлари ўртасида индуктив қувватлаш қурилмаси сифатида ишловчи ҳимоя ғилофи таърифланган.

Ғилоф ичида магнит ва индукцион ғалтак бўлиб, ғалтакдаги энергия смартфонга узатилади. Бунда қувватлаш Apple Watch соатлари билан бирга етказиб берилувчи магнит док-станциясини эслатувчи қурилма ёрдамида амалга оширилади. Шунингдек, тақдим қилинган суратларда iPhone’нинг анъанавий Lightning разъёми йўқлигини кўриш мумкин.

iPhone’нинг янги моделларида қулоқчинлар учун 3,5 мм ли разъёмлар бўлмаслиги ҳақидаги гаплар ортида, компания мобиль қурилмаларида умуман исталган разъёмдан воз кечишни истаётгани ҳамда қувватлаш ва маълумотларни узатиш учун симсиз усулдан фойдаланмоқчи эканлиги келиб чиқмоқда.