Арманистон президенти Тоғли Қорабоғда кенг қамровли ҳарбий ҳаракатлар эҳтимолини рад этмади

Жаҳон 04 Апрель 2016 387

Арман раҳбари Серж Саргсяннинг фикрича, тан олинмаган Тоғли Қорабоғ республикасидаги можаро, кенг қамровли урушга айланиб кетиши мумкин, деб хабар қилмоқда, “Росбалт” ахборот агентлиги президент матбуот хизматига таянган ҳолда. 

Саргсяннинг таъкидлашича, Арманистон ва Тоғли Қорабоғ ўт очишни тўхтатиш қоидасига амал қилиб, барча қуролли кучларни 2016 йил 1 апрель куни эгаллаб турган жойларига қайтариш фикрини маъқуллайди. Бироқ, Арманистон раҳбарининг айтишича, муаммога тинч йўл билан барҳам беришга бир томонлама ёндашиб бўлмайди.

Серж Саргсян, шунингдек, Озарбайжонни икки давлат ўртасида 1994 йили имзоланган ҳужжат бандларига тўлиқ риоя қилишга чақирган. Бундан ташқари, сулҳга эришиш учун Европада хавфсизлик ва ҳамкорлик ташкилоти ҳам зудлик билан чоралар кўриши лозим.

Эслатиб ўтамиз, 2 апрель тунида Тоғли Қорабоғда жанговар ҳаракатлар бошланиб кетган эди. Ереван маъмурияти, Озарбайжон қуролли кучлари, танклар, артиллерия ва ҳарбий самолётлар ёрдамида бутун чегара бўйлаб ҳужумга ўтганини таъкидламоқда. Боку эса,арман томонидан аҳоли турар-жойлари ўққа тутилгач, кескин чораларга қўл урилганини айтмоқда.

Кўпроқ янгиликлар