Туркия президенти Ражаб Тойиб Эрдўған АҚШ президенти Барак Обама билан Туркиядаги сўз эркинлиги ва ОАВ билан боғлиқ вазиятни муҳокама қилмаганини айтди. NTV телеканали маълум қилишича, Эрдўған бу ҳақда АҚШга уюштирган сафари якунлангандан кейин, Обама томонидан унинг номига билдирилган танқидга изоҳ бериб айтди.

"Менинг номимга бундай гаплар айтилганидан ранжидим. Жаноб Обама билан музокараларда бу мавзулар кўтарилмаганди. Бундан аввалроқ телефон орқали суҳбатда биз матбуот орқали эмас, балки юзма-юз гаплашганимиз фойдалироқ бўлишини муҳокама қилгандик", деб айтди Эрдўған.

2 апрелда Обама уни "Туркиядаги баъзи ҳолатлар хавотирлантираётганини" айтганди. "Мен Эрдўғанга бу ерда ҳеч қандай сир йўқлигини айтганман. Туркия ҳукумати томонидан матбуотга бўлган ёндашув Туркияни катта хавотир уйғотадиган йўлдан олиб кетишга қодир", деб айтганди Обама.

Эрдўған шу сабабли ОАВда мамлакат раҳбариятига қарши пайдо бўладиган "танқид ва ҳақоратнинг фарқи борлигини" айтганди. "Баъзи газеталар сарлавҳаларида тўғридан-тўғри таҳдидлар янграмоқда. АҚШда президентга таҳдидлар учун 5 йил қамоқ жазоси ва катта жарима кўзда тутилган. Ҳақорат ва таҳдидлар матбуот эркинлиги ёки танқид сифатида баҳоланиши мумкин эмас. Агар биз Обама билан буни муҳокама қилганимизда, мен бу ҳақда унга айтган бўлардим", деб айтди Эрдўған.

Европа ва АҚШда уларнинг фикрича Туркияда мавжуд бўлган сўз ва матбуот эркинлиги бузилиши ҳолатларига кўп марта эътибор қаратилган. Туркияда баъзи газеталар амалдаги ҳукуматни қаттиқ танқид қилишни ўзларига ижозат берадилар. Туркия раҳбариятининг фикрича, бу рухсат этилган чегаралардан четга чиқишдир.