Арманистон тан олинмага Тоғли Қорабоғ республикасини мустақил давлат сифатида тан олиши мумкин. РИА Новости нашри ёзишича, мамлакат президенти Серж Саргсян ҳудудда ҳарбий ҳаракатлар давом этса, расмий Ереван шундай йўл тутишини маълум қилган.

Президентнинг маълум қилишича, Арманистон ТИВ Қорабоғга ҳарбий ёрдамлар кўрсатиш бўйича келишув тузиш жараёнига киришган.

"Бу ўринда мен шуни қайд этишим керакки, аввал ҳам айтганимдек, агар ҳарбий ҳаракатлар давом эттирилса, Арманистон республикаси Тоғли Қорабоғ республикаси мустақиллигини тан олади", дейди Саргсян.

Бундан олдинроқ, расмий Боку Ереванга ўт очишни тўхтатиш шартлари ҳақидаги таклифини йўллагани маълум қилинганди.