Жакартанинг Халим Перданакусума аэропортида иккита самолёт тўқнашиб кетди. Бу ҳақда ўз манбаларига иқтибос келтирган ҳолда AirLive портали хабар бермоқда.

Тўқнашувда Batik Air авиакомпаниясининг Boeing 737-800 ва TransNusa Air Services авиакомпаниясининг ATR 42 самолётлари иштирок этган. Манбаларнинг таъкидлашича, Boeing ҳавога кўтарилмоқчи бўлганда у чап қаноти чети билан бошқа самолётга урилган.

Batik Air директори компания лайнери тўқнашувда иштирок этганини тасдиқлади, бироқ бирор бир детал ҳақида аниқлик киритмади. Айни вақтда Boeing учиб кетган.

AirLive учиш-қўниш полосасида юз бераётган видеони чоп этди. Видеода воқеа кечаси юз бергани сабабли деярли ҳеч нарса кўринмайди. Бироқ роликда воқеа жойига келган ўт ўчириш машиналарини кўриш мумкин.

AirLive маълумотларига кўра, нохуш воқеа сабабли аэропорт полосаси вақтинчалик ёпиб қўйилган. Тўқнашув вақтида ҳеч ким жабрланмаган.