Барселона ҳужумчиси Хавьер Маскерано "Реал" билан ўтган учрашув бўйича фикрлари билан ўртоқлашди. Навбатдаги класико мадридликларнинг 1:2 ҳисобидаги ғалабаси билан якунланди. Маскеранонинг фикрича, "Барса" ўз имкониятларидан тўлақонли фойдалана олмади.

"Аянчли ҳолат. Ғалабани истагандик, бироқ охирги 15 дақиқада етарлича топқир бўла олмадик. Алам қилади, ахир 70 дақиқа давомида яхши ўйнадик, бироқ ўз имкониятларимиздан фойдалана олмадик", деб Маскеранонинг сўзларини келтириб ўтди Goal.com нашри.

"Биз тўпни йўқотмасдан, унга кўпроқ эгалик қилиш кераклигини англай олмадик. Оқибатда биз бор-йўғи иккита қарши ҳужум билан мағлуб бўлдик. Реал бизни иккита қарши ҳужум билан юта олди", деб айтди футболчи.

"Бундай мағлубиятлар ўсишга ва кучлироқ бўлишга ёрдам беради. Биз бу учрашувгача ҳаракат қилганимиздек давом эттиришимиз керак. Муҳими, ўша кайфиятни мавсум охиригача сақлаб қолиш лозим, ахир унвон учун курашда ҳар бир ўйин муҳимдир", деб таъкидлаб ўтди аргентиналик футболчи.