Бир неча кун аввал Microsoft компанияси Build анжумани доирасида биринчи марта янгиланган Windows 10 операцион тизимини тақдим этди

Апдейт мавжуд камчиликларни тўғирлаши, шунингдек, яна бир қанча янгиликлар кирита олиши керак. Улардан бири Windows Ink номли функциядир. У ёрдамида Windows 10 қурилмасининг эгаси турли дастурлар (масалан, Maps, Microsoft Edge, Office ва бошқалар)да қўлёзма эслатмаларини амалга ошириши мумкин. Бироқ, анжуман доирасида Microsoft вакиллари қўлёзма ва стилуслар орқали маълумотларни кирита олувчи қурилмалар ҳақидаги яна бир муҳим янгилик тўғрисида жимлик сақлашди.

Яқинда эса Windows компанияси Wacom билан ҳамкорликда кўплаб қурилмалар билан фойдаланиш имконига эга универсал стилус (электрон ручка)ни яратиши ҳақида эълон қилди.

Эслатиб ўтамиз, Microsoft ва Wacom аввал ҳам биргаликда ҳамкорлик қилишган – етакчи компанияларнинг яратган стилуси Surface Pro биринчи ва иккинчи авлоди учун график планшетларда фойдаланилган. Кейинчалик эса Microsoft N-Trig компаниясининг мутахассислари билан ҳамкорликни бошлаган.

Тахмин қилинишича, янги универсал стилус Wacom ва Microsoft маҳсулотларининг энг сараларини ўзида жамлайди. Шу тарзда, стилус уни ёзувлар ва расмлар учун ишлатадиган фойдаланувчиларга ёқади.