Ravon R2 Chevrolet Spark’дан нимаси билан фарқланади?

Ўзбекистон 04 Апрель 2016 2084

Шу йилнинг 10 апрелидан Россияда Ravon R2 савдолари расман бошланади. Қайд этиш жоизки, ушбу моделнинг илк партияси Россия дилерлик марказларига етиб келмасданоқ, сотиб бўлингани тўғрисида хабар қилинган эди.

Март ойи охирида, "Зарулем.рф" интернет нашри ходимлари, GM-Uzbekistan’нинг Асакадаги заводида бўлиб, янги моделнинг фарқли жиҳатлари билан танишишган.

"Зарулем.рф" мухбири Вадим Крючковнинг таъкидлашича, илк автомобиль ишлаб чиқарилганига 20 йил тўлган бўлса-да, заводнинг кўриниши янгидек тасаввур уйғотади. Komatsu пресслаш ускуналари ўрнатилган цех, иккита пайвандлаш цехи, замонавий бўёқ сепиш линияси, иккита конвейер, заводнинг йирик ишлаб чиқариш мажмуаси эканини кўрсатади. R2 эса, Gentra ва Matizлар орасида навбати билан оқиб келади, деб ёзади мухбир.

"Бутловчи қисмларни маҳаллийлаштириш қамрови нақадар катталигини суратдан билиб олса бўлади. Давлат байроғи қўйилган бутловчи қисмларнинг барчаси Ўзбекистоннинг ўзида ишлаб чиқарилган", –дея ҳикоя қилади Крючков.

Ravon R2, Chevrolet Spark’дан биринчи навбатда двигатели билан фарқ қилади. Эндиликда, 4 босқичли автоматик узатмалар қутиси билан бирга, 1 литрли эмас, балки Ўзбекистонда ишлаб чиқарилаётган 1,249 литр ҳажмли, 85,5 от кучига эга, 16 клапан, 4 цилиндрли S-TEC II двигатели ўрнатилган. Ушбу моторлар Евро-5 талабларига жавоб бериши баробарида, ёмон шароитларда ишончли эканини кўрсатишга улгурган.

Ташқи жиҳатдан R2 Spark’дан олд бампери ва радиатор қафаси билан фарқланади. Салондаги ўзгаришларга келсак, ундаги ускуналар жойлашувини унчалик ҳам ёшларга мос, деб бўлмайди. Уларнинг жойлашуви, авваллари фақат Америка бозори учун чиқарилган автомобиллар панелларини ёдга солади, дейди "Зарулем.рф" мухбири.

Ravon R2 , нафақат ўз аждоди кўрсаткичларини янгилаш, балки Kia Picantoни ортда қолдириш учун ҳам барча имкониятга эга. Сифатли, замонавий жиҳозлар, юриш қисми талаб даражасида, худди шундай автоматик узатмалар қурилмаси ва шундай ҳажмдаги мотор ўрнатилган Picanto нархидан деярли 2 марта арзон. Умуман, қуйидаги жадвалда унинг афзалликларини рақамларда кўриш мумкин. Хуллас, R2 — автоматик узатмали энг чўнтакбоп автомобиль, фақатгина ўз синфида эмас, балки бозорда ҳам, деб хулоса қилади Вадим Крючков. У 100 километр масофага шаҳар ичида 8,2 литргача ёқилғи сарфлайди.

Кун янгиликлари
Ўзингиз ва оёқларингизга роҳат берадиган Heritage гиламларини 30-40 фоиз чегирма билан харид қилинг
16:59 / 21.07.2017 2710 Жамият
Forta Business Education – тадбиркорлар учун энг зарур бизнес форум
12:46 / 21.07.2017 4251 Жамият
Ўзбекистон мусулмонлар идораси 1 август имтиҳонида бўладиган “ўйин”ларга ўз муносабатини билдирди
10:03 / 21.07.2017 42389 Ўзбекистон
Миграция агентлиги раҳбари билан суҳбат: хорижда ишлаш, тест синовлари ва ҳужжатлар билан боғлиқ масалалар
12:34 / 20.07.2017 49273 Ўзбекистон
Хайрия акцияси: 12 яшар Жамшиджон саховатпеша инсонлар кўмагига муҳтож
23:37 / 11.07.2017 85452 Жамият
Ассанж Клинтонни Давлат департаментига киберҳужум ҳақида шахсан огоҳлантиришга уринган
11:51 16 Жаҳон
Абрамович «Челси» футболчисини Моуриньога бериб юборишга рози бўлди
11:41 480 Спорт
Қатар амири араб давлатлари бойкотни тугатишига умид билдирди
11:30 481 Жаҳон
“Яллама” чегара-божхона постида махсус-тактик ўқув машқ ўтказилди
Ўзбекистонда «Bars» савдо белгиси билан автомобиль шиналари ишлаб чиқарилади
Кўпроқ янгиликлар