Смартфон ва корпоратив ПО ишлаб чиқарувчиси BlackBerry ҳисобот йилини зарар билан якунлади. Молиявий муаммолар фонида Канада компанияси телефон бозоридан кетиш ҳақида ўйлаб қолди, мазкур масала бўйича сўнгги қарор сентябрь ойида маълум қилинади.

Молиявий йил якунларига кўра BlackBerry 208 миллион доллар зиён кўрган. Сотувлар 2,16 миллиард долларгача 35 фоизга камайган.

Ўтган йилнинг 4-чорагида 238 миллион доллар ҳажмда зарар кўрган, ваҳоланки бир йил илгари BlackBerry 28 миллион доллар даромадни қайд этган. Даромад 660 миллион доллардан 464 миллион долларга пасайган, бу кутилганидан 100 миллион долларга кам.

BlackBerry раҳбари Жон Ченнинг айтишича, компания зарарсиз ишлаши учун йилига 300 доллар қийматга эга 3 миллион смартфон сотилиши керак.

Телефонларнинг кам сотилиши BlackBerry’нинг бу бозордан кетиши ҳақидаги гап-сўзларни келтириб чиқарганди. Жон Чен гаджетлар ишлаб чиқариш тўхтатилиши қуруқ гап эмаслигига ишора қилди. "Мен учун энг муҳими — компанияни телефон бизнесида сентябрь ойидан кейин ҳам сақлаб қолиш, лекин шу билан бирга мен реалист ҳамман. Бу бизнесда қолиб пулларимни кўкка совуриш ниятим ҳам йўқ", — деди BlackBerry раҳбари.