Халқаро футбол федерацияси вакиллари ва "Россия-2018" ташкилий қўмитаси биргаликда 5 апрелдан 10 апрелга қадар Россияда 2018 йилги жаҳон чемпионати ўтадиган 6та майдонни кўздан кечиради. Бу ФИФАнинг турнирга тайёргарлик доирасидаги учинчи хизмат ташрифи ҳисобланади.

Ташриф доирасида Халқаро футбол федерацияси вакиллари дунё биринчилиги матчлари ўтадиган Санкт-Петербург (5 апрель), Нижний Новгород (6 апрель), Волгоград (7 апрель), Самара (8 апрель), Екатеринбург (9 апрель) ва Сочи (10 апрель) шаҳарларида бўладилар.

Шунингдек, Сочида делегация мундиал ўйинлари ўтказиладиган бошқа ареналарда амалга оширилаётган ишлар билан ҳам танишади.

Ташрифнинг асосий мақсади - ареналарнинг қурилишига баҳо бериш эмас, балки тадбирлар ўтказиладиган вақтда майдонлардаги ишларни таҳлил қилиш ҳисобланади. 

Делегацияга "Россия-2018" ташкилий қўмитаси бош раҳбари Алексей Сорокин, ФИФА мусобақаларни ўтказиш департаменти раҳбари Колин Смит ва ФИФА жаҳон чемпионатларини ўтказиш бўлими раҳбари Крис Унгер бошчилик қилади. Улардан ташқари, делегация таркибида турли соҳалардаги экспертлар: ареналарни лойиҳалаштириш, мусобақаларни ўтказиш, хавфсизлик, транспорт, логистика, шунингдек тегишли вазирлик ва идоралар вакиллари бор. Жаҳон чемпионати 2018 йил 14 июндан 15 июлга қадар Россиянинг 11 шаҳридаги 12та майдонда бўлиб ўтади.