Ҳарбий самолётлар "Ал-Қоида"нинг Яман жанубиядаги қароргоҳларига бир неча марта зарба йўллади.

Рейтер агентлигининг маҳаллий аҳолига асосланиб хабар қилишича, 2та самолёт мамлакат собиқ президентининг Занжибардаги қароргоҳи бўлган биносига ракеталар учирган. Айни вақтда бу жойда "Арабистон яриморорлидаги Ал-Қоида" гуруҳи жойлашиб олган.

Айни вақтда ҳужум натижасида йўқ қилинган жангарилар сони аниқ келтирилмаган. Бундан ташқари, шу вақтда Эл-Мукалла порт шаҳридаги жангариларнинг базаларига ҳаводан ҳужум қилинган.

Дастлабки маълумотларга кўра, бу зарбалар Саудия Арабистони бошчилигидаги ҳарбий коалиция томонидан амалга оширилган.

Бундан олдинроқ, БААнинг Яманда қулаб тушган қирувчи самолёти "Ал-Қоида" томонидан уриб туширилган бўлиши мумкинлиги тўғрисида айтилганди.