Сурия бўйича музокараларнинг янги раунди Женевада 13 апрелда бошланади. Бу ҳақда Сурия мухолифати делегациясидаги манбага иқтибос келтирган ҳолда РИА “Новости” ахборот агентлиги маълум қилди.

"Бугун де Мистуранинг идорасидан музокаралар бўйича навбатдаги раунд Женевада 11 апрель ўрнига 13 апрелда бошланиши ҳақида огоҳлантириш олдик", деб айтди манба.

Аввалроқ БМТ бош котибининг Сурия бўйича махсус элчиси Стаффан де Мистура Москвага 5 апрелда келиши маълум қилинганди. Де Мистура ташрифи вақтида Россия ташқи ишлар вазири Сергей Лавров билан Сурия бўйича музокараларнинг кейинги раундига тайёргарликни муҳокама қилиши керак эди.