Starbucks Corp. компанияси Нью-Йоркдаги Челси туманида (Манхэттен) дунёдаги энг катта қаҳвахонасини очади, деб ёзмоқда The Wall Street Journal нашри.

Маълум қилинишича, қаҳвахона асосан ўзига тўқ мижозларга мўлжалланади ҳамда 61-кўча ва 9-авеню кесишмасидаги бинода жойлашади.

Қаҳвахона 2018 йилда очилиши керак. Компания эгалари "қаҳва театр каби" деб таърифлаётган қаҳвахона интерьерини Seattle roastery компанияси яратмоқда.

Моҳиятан, қаҳвахона ўзига хос супермаркет бўлади. Унда мижозлар учун очиқ бўлган қаҳвани қовуриш цехи жойлашади, бу ерда мижозлар барист (қаҳва тайёрлаш бўйича мутахассис, қаҳва тайёрловчи) билан суҳбатлашиб, қаҳва донларини олиш ва уни қовуришнинг турли усулларини билиб олишлари мумкин бўлади.

Айни вақтда Нью-Йоркда Starbucks’нинг 94 та қаҳвахонаси мавжуд. Тармоқнинг мегаполисда шундай қаҳвахонани очиш қарори унинг рақобатчилар билан курашдаги навбатдаги қадами ҳисобланади.