Россия бош вазири Дмиртий Медведев арманистонлик ҳамкасби Овик Абраамян билан телефон орқали мулоқотида Ереванга бориш учун ҳозирлик кўраётгани ҳақидаги хабарни тасдиқлади. Бу ҳақда Россия ҳукумати матбуот хизмати хабар берган.

"Дмитрий Медведев Арманистонга 7 апрель куни расмий ташриф билан бориши ҳақидаги маълумотни тасдиқлади", дейилади хабарда.

Қайд этилишича, Арманистон ҳукумати билан ўтказилажак музокаралар чоғида иқтисодий, энергетика, саноат, транспорт инфратузилмаси ва бошқа соҳалардаги ҳамкорлик масалалари муҳокама этилади.

Арманистон сафаридан кейин, 8 апрель куни Медведев Озарбайжонга боришни режалаштирган.

Бундан олдинроқ, Россия бош вазирининг матбуот котиби Наталья Тимакова вазирнинг Озарбайжон ва Арманистонга ташриф уюштиришни режалаштиргани ҳақида хабар берганди.