Ер йўлдоши – Ойда 2035 йилгача Россиянинг одамлар яшайдиган базаси пайдо бўлиши мумкин. Бу ҳақда "Роскосмос"нинг бошқарилувчи дастурлари бўйича ижрочи директори Сергей Крикалев маълум қилди. Қоғозда русларнинг Ойни забт этиш бўйича лойиҳалари аллақачондан бери тайёр, улар бир неча ўн йиллар аввал яратилган. Ўз вақтида Собиқ иттифоқ вақтида бир нечта конструкторлик бюролари шундай лойиҳаларни яратиш бўйича мусобақалашишган.

Ой инсоният учун биринчи навбатда ўзининг табиий захиралари сабабли зарур. Гап нафақат унда аниқланган кўмир, олтин ва олмослар ҳақида, балки ноёб изотоп – гелий-3 ҳақида бормоқда. Бу модда энг истиқболли ёнилғи ҳисобланиб, дастлабки маълумотларга кўра, унинг Ойдаги миқдори миллионлаб тонналарни ташкил қилади. Бу модда чиқитсиз термоядровий реакторлар учун ёнилғи бўлиши ва Ер аҳолисини 5 минг йилга энергия билан таъминлаши мумкин.

Бу захираларни ўзлаштириш учун база керак бўлади. Ойнинг ўзлаштирилиши 3 босқичда боради. Аввал у ерга одамларсиз бир нечта сайёралараро станцияларни юбориш режалаштирилмоқда. Сўнгра Ойга бошқарилувчи кема юборилади. Ва шундан кейингина Ойга фазогирлар туширилади, айнан улар биринчи ой базасини қуришади.

"Роскосмос" режаларига кўра, Ойда 20 йилдан кейин биринчи кичик станция пайдо бўлади. У ерда бир неча фазогирлардан иборат экипаж иш олиб боради. База Ойнинг доимо қуёш тушиб турадиган жанубий қутбида яратилади.