Олимлар бир қатор тажрибалар ўтказишди ва қорағатнинг жароҳатдан кейинги руҳий зўриқишда ёрдам беришини аниқлашди. Бу тадқиқот ҳақида Federation of American Societies for Experimental Biology (FASEB) тармоғида тўлиқ танишиб чиқиш мумкин.

Жароҳатдан кейинги руҳий зўриқиш - бу ҳарбий ҳаракатларда қатнашиш, оғир жароҳат олиш, жисмоний зўравонлик ёки ўлим хавфи каби руҳий жароҳат етказувчи вазиятдаги ёки кўнгилсизликларнинг такрорланиши натижасидаги оғир руҳий ҳолат. Тадқиқот давомида олимлар каламушларнинг юқорида қайд этилган ҳолатга тушишига эришишди, бунинг натижасида кемирувчилар номаълум жисмни кўрганда қизиқиш ўрнига қўрқа бошлайди.

Шундан сўнг, олимлар каламушларни ҳар куни қорағат билан боқишди (порциялар бир кишига икки стакан қорағат миқдорига тўғри келади). Бироз вақт ўтиб шу нарса маълум бўлдики, қорағатни истеъмол қилиш чоғида каламушларда руҳий зўриқиш белгилари камаяди ва улар номаълум жисмлардан камроқ чўчийди.

Олимлар қорағат SKA2 гени экспрессиясини яхшилайди деб ҳисоблашди. У эса ўз ўрнида қўрқув ва руҳий зўриқишнинг олдини олади. Ундан ташқари, қорағат "бахт гормони" номини олган серотонин-нейромедиатор миқдорини оширади.