«Бавария» бош мураббийи Хосеп Гвардиола Чемпионлар лигаси 1/4 финалидан ўрин олган «Бенфика»га қарши 1:0 ҳисобидаги ғалаба билан якунланган ўйиндан кейин ўз фикрларини билдирар экан, бу натижа ўзини қониқтириши ҳақида гапирди.

«Ўйин жуда оғир кечди. Лекин мен футболчиларим кўрсатган ўйинни яхши баҳолайман. «Бенфика» – жуда кучли жамоа.

Бугун Франк Рибери ажойиб ўйин намойиш этди. Плей-оффларда ҳамиша иккинчи учрашув муҳим ҳисобланган. Шундай экан, Лиссабонда кечадиган баҳсга яхшилаб тайёрланишимиз керак.

Кейинги кунларда мен «Бенфика»нинг кўплаб ўйинларини кўриб чиқдим. Бу ҳақиқатдан ҳам жуда кучли жамоа, шунинг учун мен натижани яхши натижа деб биламан.

1:0 ҳисобини хавфли ҳисоб дейиш мумкинки? Барчаси биз Лиссабонда қандай ўйнашимизга боғлиқ. Биз сафарга ғалаба қозониш учун борамиз», – дейди Гвардиола.