Кипр ҳукумати 29 март куни EgyptAir авиакомпаниясининг Airbus 320 самолётини гаровга олган Саиф ад-Дин Мустафони Мисрга топширишга рози бўлди. Бу ҳақда Мисрнинг MENA агентлигига иқтибос келтирган ҳолда Reuters ахборот агентлиги хабар бермоқда.

Аввалроқ Миср прокурори Кипрга Мустафони топширишни сўраб мурожаат қилганди.

Мустафо Искандария-Қоҳира рейси билан учган самолётни гаровга олган. Самолёт унинг тазйиқи остида Кипрдаги Ларнаки аэропортига қўнган. Бир неча соат ўтиб у Кипр ҳукуматига таслим бўлган. Самолётдаги йўловчилар ва экипаж аъзолари жабрланмаган.