Халқаро футбол федерацияси ФИФА март ойи учун терма жамоаларнинг янги рейтингини эълон қилди. Унга кўра, Ўзбекистон миллий терма жамоаси ўтган ойга нисбатан 8 поғона юқорилаб, 66-ўринга кўтарилиб олди.

Самвел Бабаян бошчилигидаги терма жамоаси ҳисобида 549 очко мавжуд. Бу кўрсаткич Осиёда 6-кўрсаткич саналади. Натижада Ўзбекистон ЖЧ-2018 3-саралаш босқичида учинчи саватчадан ўрин оладиган бўлди.

Осиёда Эрон терма жамоаси етакчилик қилмоқда. Австралия 17 поғона юқорилаб (50-ўрин) Осиёда иккинчи ўринга кўтарилиб олган бўлса, Жанубий Корея (56) ва Япония (57) мос равишда 3-4 ўринларни бўлишиб туришибди. Ўзбекистондан олдинда Саудия Арабистони терма жамоаси жойлашган.

Умумий рейтингда эса пешқадам ўзгарди. Аргентина терма жамоаси ЖЧ саралашида қайд этган ижобий натижалари эвазига Бельгия терма жамоасини қувиб ўтган. Кучли учликка эса бу сафар Чили терма жамоаси кўтарилган.

1 (2). Аргентина – 1532 очко,
2 (1). Бельгия – 1352,
3 (5). Чили – 1348,
4 (8). Колумбия – 1337,
5 (4). Германия – 1309,
6 (3). Испания – 1277,
7 (6). Бразилия – 1251,
8 (7). Португалия – 1184,
9 (11). Уругвай – 1158,
10 (9). Англия — 1069...

42 (44). Эрон — 672
50 (67). Австралия— 601
56 (55). Жанубий Корея — 579
57 (56). Япония — 577
60 (60). Саудия Арабистони — 559
66 (74). ЎЗБЕКИСТОН — 549.