«Барселона» жамоаси ҳужумчиси Неймар Поль Погбанинг «Ювентус»дан каталонияликлар жамоасига олиб келиниши мумкинлиги ҳақидаги хабарларга муносабатини билдириб ўтди.

«Погба «Барселона»га жуда мос тушган бўларди. Менга Полнинг ўйинлари ёқади, у билан бир жамоада тўп суриш фикрига қарши бўлмасдим.

Менга «Барселона»нинг ҳозирги таркибидаги барча футболчиларнинг ҳам ўйинлари ёқади. Уларнинг барчаси фантастик. Месси – энг зўри, Алвес эса менинг футбол оламидаги энг яқин дўстим.

Менда футболкаларнинг каттагина коллекцияси мавжуд. Улар орасида мен профессионал футболчи сифатида илк ўйинимда кийганим, «Барселона» сафидаги илк ўйинимда ва Бразилия терма жамоасидаги илк ўйинимда кийган футболкаларим бор… Бу коллекция мен учун кўп нарсани англатади.

Шунингдек, Месси, Суарес, Роналдиньо каби кумирларимдан олганларим… Улар жуда кўп! Бу коллекцияга Погбанинг футболкасини қўшиб қўйишни истайман», – дейди футболчи.