Хонанда Отабек Муҳаммад Зоҳид 1 апрелда у билан боғлиқ ўта ёмон ҳазил бўлганлигини гапириб берди. Бу ҳақда “7х7” нашри ёзмоқда.

— Бундан ўн йиллар аввал созанда йигитлардан бири қўпол ҳазил қилиб, кўпчиликни қўрқитган эди. Шогирдимга қўнғироқ қилиб: “Отабек акам оламдан ўтибди!..”, деган. Шогирдим йиғлаб, яна уч-тўрт танишига қўнғироқ қилган экан. Сўнг “жаноза”нинг нечада ўқилишини билиш учун уй телефонимга қўнғироқ қилган. Тасодифни қарангки, ўшанда гўшакни ўзим кўтарган эдим. “Устоз?!”, деган овоз эшитилди-ю, у ёғи йиғи аралаш кулгига айланиб кетди...