Россияда террорчилик жиноятлари учун жавобгарлик ёши чегараси 14 ёшгача камайтирилиши мумкин, деб хабар бермоқда Россия Давлат думасига кўриб чиқиш учун киритилган қонун лойиҳасига иқтибос келтирган ҳолда ТАСС ахборот агентлиги.

"Айни вақтда жиноий қонунчилик томонидан бир қатор жиноятларнинг хусусиятлари ҳисобга олиниб жиноятни амалга оширган вақтида 14 ёшга етган шахсларга нисбатан жиноий жавобгарлик кўзда тутилмоқда", дейилмоқда тушунтириш хатида.

Бундай жиноятларга қотиллик, одам ўғирлаш, ўғрилик, террорчилик акти, одамларни гаровга олиш ва бошқалар киритилди.

Аввалроқ Давлат думасининг хавфсизлик ва коррупцияга қарши кураш қўмитаси раиси Ирина Яровая Давлат думасига террорчилик ва экстремизм учун жавобгарликни кучайтирувчи аксилтеррорчилик қонун лойиҳалари пакети киритилганини маълум қилганди.