Швеция ўз шахсий телефон рақамига эга бўлган дунёдаги биринчи давлат бўлди. Энди Швециядан ташқаридаги исталган одам +46771793336 телефон рақамига қўнғироқ қилиб, тасодифий уланган швед билан гаплашиши мумкин бўлади.

Ушбу имкониятга махсус дастурни юклаб олган шведлар эга бўладилар. Қўнғироқ шведлардан бирор-бири жавоб бермагунча акция иштирокчилари орасида қайта йўналтирилаверади.

"Медуза" нашрининг бош муҳаррири Александр Поливанов бу рақам бўйича Швецияга телефон қилди ва у Швециянинг марказий қисмида жойлашган Карлстад шаҳарчасида яшовчи Даниэл исмли шахс билан боғланди. Даниэль Поливановга дастурни ўрнатганидан бери унга 3 киши қўнғироқ қилганини айтган. Унинг айтишича, унга кимдир Туркиядан телефон қилиб, "Салом" дея гўшакни қўйиб қўйган, яна бир киши умуман ҳеч нарса айтмаган, техаслик билан суҳбат эса анча давом этган.