Венесуэла жума кунлари ишламасликка қарор қилди

Жаҳон 07 Апрель 2016 375

Венесуэла ҳукумати дам олиш кунлари сонини оширишга қарор қилди. Энди мамлакатда жума кунлари ҳам ишланмайди. Ишчи ҳафта электр энергияни тежаш мақсадида 4 кунгача қисқартирилди.

"Фармон бу ҳафтадан бошлаб ва апрель-май ойлари давомида барча жума кунлари дам олиш кунлари бўлишини белгилайди", деб айтди Венесуэла президенти Николас Мадуро.

Мадуронинг айтишича, бу чора электр энергияни жиддий тежашга имкон беради, деб хабар бермоқда El Nacional нашри. Бундан аввалроқ мамлакатда барча давлат хизматчилари учун иш куни давомийлигини қисқартиришга қарор қилинганди, яъни соат 7.30 дан 13.00 гача ишлаш жадвалига ўтилди. Бундан ташқари, ҳукумат савдо марказларига ҳам электр энергия беришни чеклаб қўйди. Шунга қарамай, аҳоли учун барибир электр энергияни навбат-навбати билан ўчиришга мажбур бўлинмоқда.

Венесуэлада энергетика миллийлаштирилган. Аҳоли учун электр энергия ўзининг асл таннархидан бир неча баробар арзонроқ нархда тақдим қилинади.

Кўпроқ янгиликлар