Британиялик хакерлар гуруҳи уларнинг IP Box деб номланувчи ихтироси 6 соат ичида тўрт рақамдан иборат паролни топиб, ҳар қандай iPhone смартфонига кира олишга қодирлигини эълон қилишди. Қурилма нархи 120 фунт стерлингга баҳоланган бўлиб, уни истаган одам харид қилиши мумкин.

Маълумки, iOS таркибида пароль териш чоғида 10 та кетма-кет амалга оширилган омадсиз уринишдан сўнг смартфондаги барча маълумотларни ўчириб ташлайдиган функция бор. Бироқ IP Box фаолиятига бу «тўсиқ» таҳдид сола олмайди. Аппарат iPhone қувват манбаига уланади ва ҳар бир нотўғри код киритилгандан кейин бу уриниш ҳақидаги маълумотлар ёзиб олингунича смартфон токдан узади. Сўнгра қайта юкланиш ва навбатдаги комбинацияни киритиш керак бўлади. Ҳар битта уринишни текшириш учун тахминан 6 сония вақт кетади. IP Box нафақат уланиш кодини, балки смартфондаги электрон почта қутиси, контакт маълумотлари ва қўнғироқлар тарихини ҳам бузиш имконига эга.

Миш-мишларга кўра, Федерал қидирувлар бюроси айнан шу қурилма орқали Сан-бернардинолик террорчининг iPhone 5c смартфонини бузиб киришга муваффақ бўлган.