Кунчиқар юртда хўрандаларни жалб этиш учун антиқа хизмат таклиф этилмоқда. Reuters агентлигининг хабар қилишича, у ерда типратиканлар билан мулоқот қилиш имконини берувчи ошхона мижозларга хизмат кўрсатмоқда.

Harry кафеси Токиода жойлашган бўлиб, унда ҳар хил зот ва ўлчамдаги 30га яқин жонивор яшайди. Таом ҳақидан ташқари, иш кунлари 9 доллар, байрам кунларида эса, 12 доллар тўлаш кифоя, типратиканлар бир соат мижоз ихтиёрида бўлади.

Кафе февраль ойида иш бошлаганига қарамай, анча оммалашишга улгурган.

Harry кафеси ходимининг айтишича, баъзан мижозлар узун навбатга туриб қолишади.

Таъкидлаш лозимки, жониворларни кўриш имконини берувчи бундай кафе биринчи марта пайдо бўлаётгани йўқ. Бундан аввал, АҚШда "итлар" кафеси очилган эди.