Буюк Британия бош вазири Дэвид Кэмерон катта шов-шувга сабаб бўлган "офшор можаросидан" кейин юртдошларига яқин ҳафталарда ўзининг солиқ декларациясини ошкор қилишга ваъда берди.

"Мен ўз отам, у яратган бизнес ва барчаси билан фахрланаман. Мен бу "балчиқда" отамнинг исми тилга олинаётганига чидай олмайман. Менга келсак, мен биржа брокерлари бўлган отам, бувам ва бувамнинг отасиникидан ўзгача йўл танлаганман. Мен сир тутадиган нарса йўқ ва мен исталган саволга жавоб беришга тайёрман", деб айтди Кэмерон ITV телеканалига.

Аввалроқ Кэмерон рафиқаси билан, у бош вазир бўлгунга қадар, 2010 йил январда отасидан мерос қилиб олган Blairmore Holdings офшор компаниясидаги 30 минг фунт стерлинглик акцияларини сотганини тан олган эди.