Саёҳат пайтида доимо ичимлик суви захирасига эга бўлиш жуда муҳим ҳисобланади. Шундай ғоя билан Кристоф Ретезар ҳаво ва ёруғликдан сув олишга имкон берувчи Fontus Airo ва Fontus Ryde революцион шишаларини тақдим этди. Натижада саёҳатларга оғир ва кўп жой эгаллайдиган сув идишларини олиш шарт бўлмайди.

Fontus Airo ва Fontus Ryde шишалари велосипед ва пиёда саёҳатларига ҳам мўлжалланган. Ҳаво шиша қопқоғининг ичида совутилади, махсус қатлам устида конденсация қилинади ва фильтрланиб сув учун асосий сиғимга жойлаштирилади.

Fontus Airo махсус қуёш батареяси ёрдамида ишлайди ва бу батареядан қоплама сифатида фойдаланилади. Fontus Ryde русумидаги шиша эса велосипед ромига маҳкамланади ва автоматик тарзда ҳаракат давомида ҳаводан сув йиғиб кетаверади. Шишанинг пастки қисмида махсус капсулалар жойлашган бўлиб, улар сувнинг минерализациялаш жараёнига жавоб беради. Шундай қилиб, фойдаланувчи ҳар доим янги минерал сувдан баҳраманд бўлади.

Fontus Airo ва Fontus Ryde шишаларига Indiegogo сайти орқали 200 ва 165 долларга буюртма бериш мумкин.