Бугунги кунда одамлар узоқроқ яшайдилар, лекин ёш ўтган сари ақлий салоҳиятнинг камайиб бориши билан боғлиқ муаммолар пайдо бўлади. Баъзи тадқиқотларга кўра, ақлий заифлик билан касалланиш келаси 35 йилда уч баробар кўпаяди. Бундай аянчли ҳодисанинг олдини олиш мақсадида The Journal of Alzheimer’s Disease журнали қуйидагиларни тавсия этади: мунтазам пиёда юриш, велосипедда учиш, сувда сузиш, рақсга тушиш ва ҳаттоки боғда меҳнат қилиш. Булар Альцгеймер касаллигига чалиниш эҳтимолини сезиларли равишда камайтириши қайд этилган.

Машқлар катта ёшлиларнинг ақлий фаолиятига ижобий таъсир кўрсатади. Калифорния, Лос-Анжелес ва бошқа институтларнинг Юрак-қон томирлар тадқиқот маркази ёрдамида 1989 йилдан бери олиб борган тадқиқотида деярли 6000 нафар катта ёшли эркак ва аёл қатнашган. Улар турмуш тарзлари ва жисмоний фаолликлари тўғрисидаги анкетани тўлдириб боришган ва мияни сканер тасвирига туширишган.

Сканер тасвири шуни кўрсатдики, фаол инсонларнинг миясида бошқа тенгдошларидан кўра кул ранг модданинг кўпроқ экан, бу миянинг хотира ва фикрлаш учун жавоб берувчи қисмларида кузатилади. Нейронлардан иборат кул ранг модда қанча кўп бўлса, мия фаолияти учун шунча яхши. Фаол ҳаёт тарзи олиб борувчи кишиларда Альцгеймер касаллигига чалиниш хавфи 50 фоизга камаяди.

Мия саломатлигини сақлаш учун имкон доирасида жисмоний жиҳатдан ҳаракатчан бўлиш яхши фикр.

"Агар биз узоқ яшашни, шу билан бирга хотираларимизни сақлаб қолишни истасак, у ҳолда ҳаракатчан бўлишимиз ва фаол турмуш тарзи олиб боришимиз керак", деди тадқиқот раҳбари доктор Ражи.