Россиянинг Тожикистон ҳудудига жойлаштирилган мотоўқчилардан иборат 201 рақамли ҳарбий базасида тактик машғулотлар ўтказилди. "Интерфакс" хабарига кўра, машғулотлар тоғли ҳудудларда шартли террорчиларни йўқ қилиш амалиёти кўринишида ўтказилган.

"Машғулот жараёнида батальоннинг бир бўлими тоғли ҳудудда жангарилар қиёфасида ўқ-дори омборини қўлга киритишга уринади. Уларнинг ҳаракати "Гранат" номли дрон воситасида пайқаб қолинади", дейилади мудофаа вазирлиги хабарида.

Шундан сўнг, мотоўқчилар бўлинмаси миномётлар, БМП ва Т-72 танкларидан "душман" жойлашган нуқталарга зарбалар беришган.