Европанинг божхона иттифоқи солиққа тортиш, иқтисодий ва молиявий масалалар бўйича комиссари Пьер Московиси, Панама каби солиқ ҳисоботларига оид ошкораликни кам таъминлайдиган давлатларга қарши санкциялар қўллаш билан таҳдид қилмоқда. Бу ҳақда The Washington Post газетасида ёзилган.

Московисининг таъкидлашича, пулларнинг ноқонуний ўтказилиши ва солиқдан бош тортиш каби жиноятларга қарши тўлиқ ҳамкорлик қилишни рад этган мамлакатларга нисбатан шундай кескин чоралар кўрилади.

Нашрнинг қайд этишича, Панама солиққа оид масалаларда ЕИ билан ҳамкорлик қилишдан бош тортмоқда. Московиси ўз навбатида Панама ҳукумати «ушбу масала бўйича қарашини ўзгаритиришига» умид билдирган. Бироқ, зарурий чоралар кўрилмайдиган бўлса, Брюссель Панамага нисбатан санкциялар қўллашга мажбур бўлади, деб огоҳлантирган ЕИ мулозими.

Бундан аввал, еврокомиссар ЕИ ярим йил мобайнида солиққа юмшоқ сиёсат юритувчи давлатларнинг "қора" рўйхатини тузиб чиқиши лозимлиги, зарур бўлиб қолса, уларга нисбатан санкциялар ҳам қўллашга тайёр туриш кераклигини айтган эди.

Эслатиб зтамиз, "офшор можароси" (Панамагейт) 3 апрель куни OCCRP, ICIJ ва дунёнинг етакчи нашриётларининг ўнлаб журналистларидан иборат гуруҳи, давлат раҳбарлари, сиёсатчилар, спортчи ва маданият арбобларининг офшор битимларига алоқасига оид маълумотларни ошкор қилгач авж ола бошлади.

Ўз фаолияти давомида 240 мингдан ортиқ офшор битимларини рўйхатдан ўтказган Mossack Fonseca юридик фирмасининг махфий маълумотлари ошкор этилиши ҳам чўғ устига ёнилғи сепгандек бўлди.