«Ливерпуль» жамоаси бош мураббийи Юрген Клопп Европа Лигаси чорак финалининг биринчи учрашувида ўзи 7 йил ишлаган, Дортмунднинг «Боруссия» жамоасига қарши кечган ва 1:1 ҳисобида якунланган ўйиндан кейинги таассуротларини билдириб ўтди.

Ўйин ҳақида

Дортмунд – жуда яхши жамоа. Лекин бу ўйинда барчангиз кўрдингизки, бизда голли вазиятлар бўлди ва бу ўйинда ғолиб чиқишимиз ҳам мумкин эди.

Биламан, кўпчилик бизнинг 0:2, 0:3 ва ҳатто 0:4 ҳисобида ютқазади деб ўйлаган. Аммо биз ҳужумда ҳам, ҳимояда ҳам яхши ўйнадик.

Ҳали биз улар босиб ўтган йўлни тугатиб бўлмадик. Лекин бизнинг даражамиз бу жамоани енгишга имкон беради.

Орижининг ўйини ҳақида

Дивок бу ўйинда ўзи учун яратган ва голга айлантирган вазияти учун ундан миннатдорман.

Дортмунддаги мухлисларнинг кутиб олиши ҳақида

Бу жуда ажойиб бўлди. Бу ҳақда кўпчилик гапирди. Мен ўйин якунида майдонга тушиб, собиқ шогирдларим билан сўраша бошлаганимда менга йўлланаётган олқишларни эшитдим.

Ҳендерсоннинг жароҳати ҳақида

Биз Жордан туфайли хафамиз. Унинг тиззаси жароҳатланди. Бу жуда ёмон хабар. Эртага у тиббий кўрикдан ўтказилади.