“Манчестер Юнайтед” жамоаси бош мураббийи Луи ван Гал агар клубни Англия премьер-лигасининг кучли тўртлигига олиб кира олмаса, ўз ишидан айрилади ва унга ҳеч қандай товон пули тўланмайди. 

“Манчестер Сити” ва “Эвертон” устидан қозонилган ғалабалар жамоани бешинчи ўрин билан таъминлади. “МЮ” 10 апрелда “Тоттенхэм” устидан ғалаба қозонса, премьер-лигада тўртинчи ўринга кўтарилиб олади. Суперагент Жорж Мендешнинг маълум қилишича, агар жамоа бу ўринга кўтарила олмаса ёки ўрнини сақлаб тура олмаса, бош мураббий билан тузилган шартнома муддатидан олдин бекор қилинади ва ван Гал ҳеч қандай товон пулисиз ишдан бўшатилади. 

Бу ҳолатда жамоага Мауриньонинг келиш эҳтимоли ортади, дейди агент.