Енгил моторли Cessna 206 самолёти Аляска штатидаги Адмиралти оролида фалокатга учради, деб маҳаллий расмийларга иқтибос келтирган ҳолда хабар бермоқда РИА “Новости” ахборот агентлиги.

Авиафалокат 8 апрелда Ангун шаҳарчаси яқинида юз берган. Самолётда 4 киши бўлган, улардан 3 нафари ҳалок бўлган. Бир аёл тирик ҳолда топилган ва шифохонага етказилган.

Воқеа жойида қаттиқ шамол эсаётгани сабабли қутқарувчилар вертолёти у ерга яқинлаша олмаяпти. Фалокат сабаблари ҳозирча маълум қилинмаган.