Америкалик селфи олгани учун 20 йил қамоқда ўтирадиган бўлди. Бундан ташқари, у етказилган иқтисодий зарар учун 60 миллион доллар жарима ҳам тўлаши керак.

Гап шундаки, 2014 йили Уэйн Аллен Хантсман ўзини ўрмон ёнғини олдида видеога олган. Бир ойлар давом этган ёнғин эса, Калифорниядаги энг даҳшатли ўрмон ёнғини сифатида қайд этилди. Лавҳанинг қизиқарли чиқиши учун, у ўрмонга ўт қўйган.

Ўзининг айбсизлигини таъкидлаб келган Уэйн Аллен Хантсман, ўз фикрини ўзгартириб, айблов хулосасининг 3 банди — ўрмонга қасддан ўт қўйиш, мол-мулкни йўқ йилиш ва ўт ўчирувчиларга зиён етказиш бўйича айбига иқрор бўлди.

2014 йил 13 сентябрида бошланган ўрмон ёнғинини бартараф этиш учун 27 кун талаб этилганди.

Айтиш мумкинки, жиноятчи ўзининг эҳтиётсизлиги сабабли қўлга тушган. Хантсман ёнғин бошланган жойдан кўчага чиққанда, уни бир киши машинасида олиб кетган. Жиноятчи эса, унга селфисини кўрсатиб мақтанган. Ҳайдовчи ўз навбатида буни мобил телефонига ёзиб олган ва терговчиларга топширган. Хантсман ёнғин бошланганидан сўнг, бир неча кун ўтгач, ҳибсга олинган.