Американинг Wells Fargo банки, ҳукумат иштирокидаги ипотека дастурига оид ёлғон маълумотларни тақдим этганликдаги айбини тан олди ва мамлакат ғазнасига 1,2 млрд доллар жарима тўлашга розилик билдирди. Бу ҳақда, мазкур иш юзасидан текширув ишларини олиб борган Америка адлия вазирлиги маълум қилган. Маҳкама жараёнида, банкнинг топ-менежерларидан бири молия муассасасининг манфаатини ҳимоя қилган.

Wells Fargo 2001 йил майидан 2008 йил декабригача бўлган давр мобайнида, уй-жой қурилиши ва шаҳарларни ривожлаштириш вазирлигини, айрим ипотека кредитлари Федерал уй-жой бошқармаси томонидан суғурта қилинганига ишонтириб келган. Бунинг натижасида, АҚШ ҳукумати вақтида адо этилмаган айрим кредитлар бўйича суғурта доирасида тўловларни амалга оширишга мажбур бўлган.

Wells Fargo банки учун йирик жарима билан тугаган иш бўйича суриштирувни Нью-Йорк прокуратураси олиб борган.