9 апрель куни ижтимоий тармоқларда Қашқадарё дарёсининг Қарши шаҳридан ўтган қисмида иккита замонавий катер туширилгани суратлари пайдо бўлди.

Қашқадарёлик ўқувчиларимиз берган маълумотга кўра, бугунга келиб дарёнинг шаҳар ҳудудидан ўтган қисми обод этилиб, соҳил барпо қилинган. Икки томондан дамба билан ёпилган ва катерларда саёҳат қилишга мўлжалланган дам олиш масканига айланган.

Суратлардан катерларнинг сувга туширилиш жараёни ва уларнинг сувда турганига гувоҳ бўлиш мумкин. Хабар берилишича, бу катерлар шаҳар аҳолиси ва меҳмонларининг ҳордиқ чиқариши учун хизмат қилади.