Россия ташқи ишлар вазири Сергей Лавров Россия ташқи ва мудофаа сиёсати кенгаши ассамблеясининг очилишидаги нутқида эътиборсиз журналистлар борасида ҳазил қилди. Лавров ўз нутқини якунлагандан кейин, журналистларга зални тарк  этишни таклиф қилди.

“Энди мен ҳамкасбларимсиз ва ОАВдаги дўстларимизсиз гаплашишни истардим”, деб айтди Лавров кириш нутқи давомида.

Бироқ Лавровнинг бу гаплари мухбир ва операторлар томонидан эътиборсиз қолдирилди.

“Мана кўрдингизми, улар ҳаттоки буни эшитмадилар ҳам. Агар эшитганларида, аллақачон нарсаларини йиғиштираётган бўлардилар”, деб кулиб изоҳ берди ушбу ҳолатга Лавров.

Ҳар йили анъанавий равишда Россия ташқи ва мудофаа сиёсати кенгаши экспертлари, сиёсатшунослар ва халқаро журналистлар билан “галстуксиз” учрашув ўтказилади. Жорий йилдаги анжуманда муҳокама қилинадиган мавзулар орасида Россия ташқи сиёсатининг янги концепцияси ҳам бор.