Шимолий Корея Сохэ полигонида қитъалараро баллистик ракета учун янги турдаги двигателни қуруқликдаги синовини ўтказди. ТАСС ахборот агентлигининг маълум қилишича, бу ҳақда 9 апрелда Корея Марказий телеграф агентлиги хабар берган.

Таъкидланишича, двигатель мамлакатнинг мудофаа саноати мутахассислари томонидан маҳаллий технологиялар асосида яратилди.

Синовни Шимолий Корея етакчиси Ким Чен Иннинг шахсан ўзи бошқарди ва у бу синовни "Корея Ишчи партиясининг 7-қурултойи олдидан Шимолий Корея мудофаа қобилиятини мустаҳкамлашдаги катта воқеа" деб атади. Қурултой май бошида бошланади.

Ким Чен Ин бу муваффақиятли синов натижасида "америкалик империалистлар ва бошқа душман кучларига ядровий ҳужумнинг яна бир турини қўллаш кафолатланганини" таъкидлаб ўтди.