«Реал» ҳимоячиси Альваро Арбелоа Испания чемпионатининг 32-турида «Реал Сосьедад»га қарши ўйиндан кейин кетма-кет иккинчи марта мағлубиятга учраган «Барселона» манзилига қарата кинояли фикрларини билдириб ўтди.

Арбеола сўнгги вақтларда «Барселона» рақибларининг бир киши кам бўлиб қолаётганига шаъма қилмоқда.

«Сенга қарши 11 киши ўйнаганда ғолиб чиқиш нақадар қийин!

Асьер Ильярраменди ва Эстебан Гранеро ажойиб ўйин кўрсатишди ва ваъдаларининг устидан чиқишди. Табриклайман!», - деб ёзади Арбелоа ўз твиттерида.

Маълумот учун, айни вақтда «Барселона» «Атлетико»ни 3 очко, «Реал»ни 4 очко ортда қолдирган ҳолда жадвални бошқариб турибди.